धर्मेन्द्र कुमार

डॉ. अजय कुमार सिंह/राय (विधायक, बिहार विधानसभा) के सुपुत्र – एक प्रबुद्ध युवा समाजसेवी, प्रतिबद्ध राजनेता, आ पूर्व अंतरराष्ट्रीय ऑयल एंड गैस प्रोफेशनल।

धर्मेन्द्र कुमार जी के जीवन एगो प्रेरणास्पद यात्रा ह, जे आधुनिक वैश्विक पेशेवर दुनिया से शुरू होके अब अपन माटी, भाषा आ अस्मिता के सेवा में समर्पित हो चुकल बा। देश-विदेश में काम करे के बाद जब जब उ भारत लौटलें, त उनका भीतर ई भाव जगराइल – “दुनिया घूम के देखलें, लेकिन दिल के सुकून त बस अपने देश, अपने लोग आ अपनी भाषा में बा।”

गाजीपुर जिला के रेवतीपुर गाँव के निवासी धर्मेन्द्र , भोजपुरी भाषा के सम्मान और भोजपुर राज्य आंदोलन के कमजोर पड़ला से व्यथित बाड़न। उनका मन में ई दृढ़ विश्वास बा कि भोजपुरी खाली एगो भाषा ना, बलुक ई करोड़ों लोगन के अस्मिता, संस्कृति आ इतिहास के पहचान ह।

भोजपुरी भाषा के सम्मान आ संरक्षण खातिर उ खाली सांस्कृतिक स्तर पर ना, बलुक राजनीतिक स्तर पर भी ठोस पहल के जरूरत मानेलें। एही सोच के तहत धर्मेन्द्र कुमार अब भोजपुरिया जनता खातिर एक नए राज्य—"भोजपुर राज्य"—के गठन के आंदोलन के स्वरूप दे रहल बाड़न। उनका अनुसार जबले भोजपुरिया क्षेत्र के प्रशासनिक स्वायत्तता ना मिली, तबले भाषा आ जनता के असली विकास संभव नइखे।

धर्मेन्द्र जी के सब से बड़ा समर्पण ई बा कि ऊ अपने पिता जी के बनावल मजबूत राजनीतिक ज़मीन आ भविष्य के अवसर त्याग के, भोजपुरी भाषा आ क्षेत्र खातिर समर्पित हो गइल बाड़न। ऊ मानेलें कि सच्चा राजनीति उहे ह, जवन जनता के पहचान, संस्कृति आ अधिकार खातिर लड़ी।

आज धर्मेन्द्र कुमार भोजपुरिया आंदोलन के एगो नया चेतना, नया नेतृत्व, आ नया दिशा दे रहल बाड़न। उनकर सोच साफ बा—"बिना राजनीतिक पहचान, भाषा के सम्मान अधूरा बा।" एही सोच के साथ ऊ भोजपुर राज्य के गठन आ भोजपुरी भाषा के संविधानिक मान्यता खातिर तन-मन-धन से संघर्षरत बाड़न।

धर्मेन्द्र कुमार आज भोजपुरिया नवजागरण के एगो मजबूत स्तंभ हउवें—एक अइसन युवा, जे ना केवल सपना देखत बा, बलुक ओह सपना के साकार करे खातिर हर मोर्चा पर डटल बाड़न।